Argazkia, Luis Tejido (mundo deportivo), EFE agentziari esker zuenganatua |
“Gure” 6 jardunaldiari hasiera emateko bi nafar taldeen
arteko derbia jokatu zen Ipuruan. Bertan Eibarrek Errealari irabaztea lortu zuen. Lehenengo zatiaren erdialdera Elustondok penalti inozo bat egin eta
10 jokalarirekin utziko zuen bere taldea. Nahiz eta Eibarreko Pedro Leonek 11
metroetatik aurreratzeko aukera galdu, jokalari bat gehiagorekin erosoago
sentitu zen zelaian talde armeroa. Bigarren zatian ailegatuko ziren golak, eta
lehenengo Illarramendiren gola etorriko zen bere atean, eta geroago Bebék areatik
kanpo botatako tiro gogor batekin erabakiko zuen derbia.
Bere aldetik, eta klasifikazioaren goiko aldean, oso
partidu polita izan genuen San Mamesen. Valverderen lehoiak bazekiten aurrean
aurkari handia zutela baina garaipenen ildotik jarraitu nahi zuten, baita lortu
ere. Hasierako minututan inork ez zuen lehenengo pausua ematen eta partidua
kontrolatzea zaila egin zitzaien bi taldeei. Baina 24. minutuan San Josek gola
egitea lortu zuen korner batean egindako estrategia jokaldia
aprobetxatuz. Bigarren zatiaren hasieran Nasriren bitartez Sevillak bana jarri
zuen markagailuan, baina 10 minutu geroago Mikel Balenziagaren gol izugarria
gertatu zen, Athletic-eko elastikoarekin sartzen zuen lehenengoa. Amaieran etorriko
zen Adurizen gola, Sirigu atezainak egindako penalti baten ostean, eta azkeneko 3-1 sartuko zuen aurrelari donostiarrak.
Osasunak ordea, ez zuen batere partidu erreza
Vila-Real-aren aurka el Madrigalen jolasten baitzuen. Oso goiz heldu zen itsaspeko horien lehendabiziko
gola, 5. minutuan sartu zuen Patok, ligan estreinatuz. Lehenengo zatian bertan
erabakiko zuten partidua etxekoek, eta 3-0 sartu zuten 40. minutua baino
lehenago. Osasunaren gola atsedena baino lehenago helduko zen Torresen
bitartez, ez zuela penaltiaren aukera galduko.
6 jardunaldia ixten zuen partiduan erraz garaitu zuen
Alavesek Granadari. Bigarren zatian etorriko ziren partiduaren 4 golak. Etxekoak
lehenengo Mendez eta bigarren Camarasaren bitartez 2-0 jarriko zuten Kravetsek bere
golarekin Granadari itxaropena eman baino lehen. Amaieran Deyversonek azkeneko
3-1 sartuko zuen eta Paco Jemez Granadako entrenatzailea kargua galtzear dago.
Egizu iruzkina:
0 comments: